अस्पताल भर्ना भएका शताब्दी पुरुष सत्य मोहन जोशीलाई पिसाब र डेंगुकाे संक्रमण

फाइल तस्विर

काठमाडौं । शताब्दी पुरुष सत्य मोहन जोशी अस्वस्थ्य भई अस्पताल भर्ना भएका छन् । पिसाब र डेंगु संक्रमणका कारण जोशी ललितपुरस्थित किष्ट शिक्षण अस्पताल भर्ना भएका हुन् । संक्रमणसँगै उनलाई कमजोर, खानामा अरुचि र अस्वस्थ महसुस भएको अस्पतालले जनाएको छ । पुरानो र मुटुको समस्या पनि देखिएकोले उनलाई हाल सुक्ष्म निगरानीमा राखिएको अस्पतालले जारी गरेको विज्ञप्तिमा उल्लेख छ ।

विज्ञप्तिमा भनिएको छ, ‘अस्पतालका चिकित्सक तथा नर्सिङ्ग टिम उहाँको निवास पुग्दा हिजोभन्दा आज अझै कमजोर देखिएको र खानपीन पनि छोड्नु भएकाले सोही चिकित्सकीय टोलीद्धारा उहाँलाई यस अस्पतालको आकस्मिक कक्षमा ल्याइएको थियो। तत् पश्चात श्री जोशीलाई विभिन्न विभागका चिकित्सकद्धारा संयुक्त जाँच गरी विभिन्न प्रयोगशाला परीक्षण जाँच गरिएको थियो।’

जोशीको अवस्था चिन्ताजनक देखिएपनि आत्तिहाल्नु नपर्ने पल्मोनोलोजिस्ट तथा इन्टरनल मेडिसिनका विभागीय प्रमुख प्रा.डा मिलेस जंगसिजापतिले बताए।

प्रतिक्रिया