एमालेले हारको कुण्ठा कांग्रेसमाथि पोख्यो : मिनेन्द्र रिजाल

काठमाडौं । नेपाली कांग्रेसका सांसद मिनेन्द्र रिजालले प्रमुख प्रतिपक्षी दल एमालेका अध्यक्ष केपी शर्मा ओलीलाई निर्वाचनमा हारको कुण्ठा कांग्रेसमाथि नपोख्न आग्रह गरेका छन् ।

सरकारको आगामी आर्थिक वर्षको नीति तथा कार्यक्रममाथि प्रतिनिधिसभामा भइरहेको छलफलमा सहभागी हुँदा उनले एमाले अध्यक्ष ओलीलाई स्थानीय तह निर्वाचनमा भएको हारको कुण्ठा कांग्रेसमाथि नपोख्न आग्रह गरेका हुन् ।

आफ्नै पार्टी जोगाउन नसकेर स्थानीय तहमा एमाले पराजित भएको भन्दै उनले गठबन्धनको सहारामा नभएर कांग्रेसले आफ्नै जनाधारले निर्वाचित भएको बताए ।

कांग्रेसको भन्दा एमालेले कहिल्यै पनि धेरै प्रतिशत मत नल्याएको भन्दै रिजालले आगामी निर्वाचनको तयारी गर्न ओलीसहित एमालेलाई आग्रह गरे ।

प्रतिक्रिया