खोजखबर

खोलाले बगाएर बालकको मृत्यु

सौर्य अनलाइन २०७८ भदौ ३० गते १६:४९ मा प्रकाशित

बनेपा । काभ्रेपलाञ्चोकमा रोशी खोलाले बगाउँदा एक बालकको मृत्यु भएको छ । मृत्यु हुनेमा रोशी गाउँपालिका–५ का प्रकाशकुमार लामाका छोरा आठ वर्षीय अवि तामाङ रहेका छन् ।

विद्यालयबाट घर फर्किने क्रममा मङ्गलबार रोशी गाउँपालिका–९ कालोपुलस्थित पौडी खेल्ने क्रममा उक्त खोलाले बगाएर उनी बेपत्ता भएका थिए ।

खोजतलासका क्रममा मङ्गलबार बेलुका सोही गाउँपालिकाको वडा नं ११ कालढुङ्गास्थित रोशी खोलाको किनारामा उनी मृत अवस्थामा फेला परेको जिल्ला प्रहरी कार्यालय काभ्रेपलाञ्चोकले जनाएको छ ।

तामाङ स्थानीय विद्यालयमा कक्षा ३ मा अध्ययनरत रहेको प्रहरीले जनाएको छ । शव परीक्षणको लागि धुलिखेल अस्पतालमा राखिएको छ ।

प्रतिक्रिया

पछिल्ला अपडेट्स

लोकप्रिय