खोजखबर

कुनै पनि हालतमा पार्टी एकता जोगाउनु पर्छ : गोकर्ण विष्ट

सौर्य अनलाइन २०७८ साउन १६ गते १३:२१ मा प्रकाशित

काठमाडाैं । नेकपा (एमाले) नेता गोकर्ण विष्टले कुनै पनि हालतमा पार्टी एकता जोगाउनु पर्ने बताएका छन् । शनिबार एमाले दोस्रो तहका नेताको छलफलपछि सञ्चारकर्मीसँग संक्षिप्त कुराकानी गर्दै नेता विष्टले पार्टी एकता जोगाउने विषयमै सबैले जोड दिएको बताए। यसअघि एमालेले बनाएको कार्यदलका सदस्यहरू सिंहदरबारस्थित संसदीय दलको कार्यालयमा छलफलमा जुटेका थिए ।

आजै एमाले अध्यक्ष केपी शर्मा ओलीले स्थायी कमिटी बैठक बोलाएका छन् । त्यसअघि सहमतिको प्रयास गर्न छलफलमा जुटेका दोस्रो तहका नेताले अब विवाद टुंग्याउनुपर्ने निष्कर्ष निकालेको उनले बताए।

‘कुनै पनि हिसाबले पार्टी एकतालाई जोगाउनु पर्छ,’ नेता विष्टले भने, ‘त्यसका लागि अझै प्रयत्न गर्ने, बुँदे सहमतिमा टेकेर अगाडि बढ्ने विषयमा छलफल गरेका छौं ।’

प्रतिक्रिया

पछिल्ला अपडेट्स

लोकप्रिय