नबिल बैंकका ‘नबिल आईकार्ड’ सेवा

काठमाडौं । नबिल बैंकले आफ्ना ग्राहकहरुको सुबिधालाई ध्यानमा राखी नबिल बैंकको वेबसाइट मार्फत नबिल आईकार्डको लागि निवेदन दिन मिल्ने सुविधा ल्याएको छ । यस नयाँ सुविधा मार्फत नबिल बैंकमा खाता भएका ग्राहकले आफैँ बैंकको वेबसाइटमा ‘नबिल आईकार्ड’ सेक्सनमा गइ ‘नबिल आईकार्ड’ विकल्प छानि नबिल आईकार्डको लागि निवेदन दिइ, आफूलाई पायक पर्ने नबिल बैंकको कुनै पनि शाखाबाट कार्ड संकलन गर्न सक्नेछन ।

यो कार्ड सम्बन्धी प्रायः सोधिने प्रश्न वेबसाइटको समान खण्डमा उपलब्ध छन। जुन ग्राहकले सजिलैसँग सन्दर्भ गर्न सक्दछन । थप जानकारीका लागि ग्राहकहरूले बैंकको ग्राहक सेवा केन्द्रमा सम्पर्क गर्न भनेको पनि विज्ञप्तिमा उल्लेख छ । विश्वव्यापी रुपमा फैलिएको कोभिड १९ महामारीको समयमा आफ्नो ग्राहकहरुको हित तथा आवश्यकतालाई मध्यनजर गर्दै स्वास्थ्य एवम् सुरक्षित कारोबारको सुविधा प्रदान गर्ने उद्देश्यले नबिल बैंकले यो नयाँ सुबिधा ल्याएको पनि जिकिर गरेको छ ।