खोजखबर

खनाल–नेपालसहित १५ जना नेताको पार्टी जोगाउन संयुक्त अपिल

सौर्य अनलाइन २०७८ वैशाख ९ गते १९:१६ मा प्रकाशित

काठमाडौं । नेकपा (एमाले) का वरिष्ठ नेता झलनाथ खनाल र माधवकुमार नेपालसहित १५ जना नेताले पार्टी एकता जोगाउने काममा योगदान गर्न सबैमा आग्रह गरेका छन् । नेपाल कम्युनिष्ट पार्टी स्थापना दिवसको दिन संयुक्तरुपमा अपिल जारी गर्दै उनिहरुले एमालेको एकता जोगाउन अपिल गरेका हुन् ।

उनिहरुले पार्टी एकता जोगाउनका लागि ‘एमालेको एकतालाई बचाऔँ, कम्युनिष्ट आन्दोलनको रक्षा गरौँ’ भनेका छन् । आफूहरुलाई एमालेमा रहन नदिने अनेक दाउपेचहरु गरिरहेकोसमेत उल्लेख गर्दै उनिहरुले अपिलमा भनेका छन्, ‘फागुन २८ गतेको भेलालाई नै पार्टी केन्द्रीय कमिटीको बैठक मान्ने कुराले त्यही देखाउँछ, तर हामी पार्टी एकता जोगाउन चाहन्छौँ ।’

अपिलमा पार्टी एकताका लागि फागुन २८ गते र तत्पश्चात् भएका बैठकका निर्णय फिर्ता हुनुपर्ने उनिहरुको माग रहेको छ । ‘फागुन २८ गते र त्यसपछि भएका बैठकका निर्णय फिर्ता हुनुपर्दछ, यदि त्यसो भयो भने एमालेको एकता जोगिन्छ’, उनिहरुको अपिलमा भनिएको छ, ‘एमालेको एकता जोगाउन सकियो भने नेपाली कम्युनिष्ट आन्दोलनको रक्षा गर्ने आधार जोगिन्छ ।’

यसरी अपिल गर्ने नेतामा खनाल, नेपाल, युवराज ज्ञवाली, अष्टलक्ष्मी शाक्य, भीम रावल, घनश्याम भुसाल, भीम आचार्य, गोकर्ष विष्ट, योगेश भट्टराई, मुकुन्द न्यौपाने, सुरेन्द्र पाण्डे, रघुजी पन्त, बेदुराम भुसाल, अमृतकुमार बोहरा र प्रमेश हमाल रहेका छन् ।

प्रतिक्रिया

पछिल्ला अपडेट्स

लोकप्रिय