बाबुरामलाई करिश्माको प्रश्न : यहि हो नेपालीले पाएको गणतन्त्र !

काठमाडौं । एक समय अभिनेत्री करिश्मा मानन्धर पूर्व प्रधानमन्त्री बाबुराम भट्टराइले नेतृत्व गरेको नयाँ शक्ति पार्टीको केन्द्रीय सदस्यमा थिइन् । पछिल्लाे समय करिस्माले बाबुरामको पार्टी छोडिन् । बाबुरामको नयाँ शक्तिपार्टी बिभिन्न मधेदवासी दलहरुसँग मिलेर अहिले जनता समाजवादी पार्टी भएको छ । करिश्माले सक्रिय राजनीतिमा नलाग्ने निर्णय गरिसकेकी छन् । राजनीतिमा सक्रिय नलाग्ने निर्णय गरेपनि राजनीतिक घटनाक्रम उनले उनले टिकाटिप्पणी गर्न छोडेकी छैनन् ।

यस्तैमा उनले डा.बाबुराम भट्टराई माथि प्रहार गरेकी छन् । बाबुरामले राखेको एक पोष्ट सेयर गर्दै उनले उनको बिचारको विरोध समेत गरेकी छन् । ‘तपाई जस्तो पढे लेखेको, राजनीति गर्ने मानिसको उर्जा अर्काे पार्टीको बिरोधमा मात्र सिमित भएको देख्दा दुःख लाग्छ डा.साब !’ उनले अगाडि लेखेकी छन् ‘यहि हो नेपालीले पाएको गणतन्त्र !’ करिश्माले राजनीतिक संस्कारको कुरा गर्दै देश विकास कहिले हुने भनेर बाबुरामलाई प्रश्न समेत गरेकी छन् ।