सुन हालसम्मकै महँगो, तोलामा एक हजार बढ्यो

काठमाडौं । सुनको मूल्यले नयाँ रेकर्ड कायम गरेको छ । नेपाली बजारमा आज सुन तोलाको ६४ हजार रुपैयाँ पुगेको छ।

नेपालको इतिहासमा यो मूल्य हालसम्मकै सबैभन्दा उच्च हो। यसअघि सुन प्रतितोला ६३ हजार ३ सय रुपैयाँभन्दा बढी मूल्यमा कारोबार नभएको नेपाल सुनचाँदी ब्यवसायी महासंघले जनाएको छ ।

२०७५ साल फागुन ८ गते सुन प्रतितोला ६३ हजार ३ सय रुपैयाँमा कारोबार भएको थियो। उक्त रेकर्ड तोड्दै आज ६४ हजारको नयाँ रेकर्ड कायम गरेको हो। अघिल्लो दिन प्रतितोला ६३ हजार रुपैयाँमा कारोबार भएको सुन आज १ हजार रुपैयाँ बढेको हो।