बिनासहित दुई युवक पक्राउ

सिरहा । सिराहा नगरपालिका १६ बाट कस्तुरीको बिनाजस्तो देखिने बस्तुसहित दुई युवकलाई प्रहरीले पक्राउ गरेको छ । पक्राउ पर्नेमा लहान नगरपालिका–२१ का २५ वर्षीय कैलाश यादव र सोही नगरपालिका–१३ का २८ वर्षीय अभासकर यादव रहेका छन् ।

ना२२प ८००४ र बिआर ७ जेट ३३२० नम्बरको मोटरसाइकलमा माडरबाट सिरहातर्फ जाँदै गरेका उनीहरूलाई चेकजाँच गर्दा कस्तुरीको बिनाजस्तो देखिने बस्तु फेला परेपछि उनीहरूलाई पक्राउ गरिएको प्रहरीले जनाएको छ ।

फेला परेको उक्त वस्तु १२ ग्रामको रहेको छ । दुवै जनामाथि थप अनुसन्धान भइरहेको जिल्ला प्रहरी कार्यालय सिरहाका डिएसपी तथा प्रवक्ता अपिलराज बोहराले जानकारी दिए ।