लर्निङ जोन एकेडेमी च्याम्पियन

काठमाडौं । दोस्रो संस्करणको गोल्डेन गेट अन्तर विद्यालय फुटसल प्रतियोगिता (फुटसल मेला) को उपाधि लर्निङ जोन एकेडमीले जितेको छ । शनिबार भएको फाइनलमा करियर बिल्डिङ एकेडमीलाई २–१ गोल अन्तरले पराजित गर्दै लर्निङले उपाधि जितेको हो ।  च्यासलस्थित नेसनल स्पोर्ट्स सेन्टरमा लर्निङका लागि प्रवीन लामा र प्रमित मगरले एक एक गोल गरे । करियरका आकाश साहले एक गोल फर्काए ।

कखरा ईभेन्ट म्यानेजमेन्ट प्रालीले आयोजना गरेको प्रतियोगिताको उपाधिसँगै लर्निङले नगद ३० हजार नगद पुरस्कार प्राप्त ग¥यो । उपविजेता करियरले २० हजारमा चित्त बुझायो ।  यस्तै प्रतियोगितामा उत्कृष्ट गोलकिपर लर्निङका अजिज गुरुङ, डिफेन्डरमा करियरका आकाश साह, मिडफिल्डरमा आयुष श्रेष्ठ, फरवार्डमा लर्निङ प्रवीन लामा र प्रशिक्षकमा सनसाइनका आशिष दाहाल उत्कृष्ट चुनिए । उत्कृष्ट हुनेले ट्रफी सहित प्रमाणपत्र प्राप्त गरे ।

तियोगिताको विजेता खेलाडीहरूलाई राष्ट्रिय फुटबल टोलीका पूर्व प्रशिक्षक राजु काजी शाक्य, नेपाल बैंक लिमिटेडका बरिष्ठ प्रवन्धक शिखर नाथ र राष्ट्रिय फुटबल टिमका मिडफिल्डर विक्रम लामा लगायतले पुरस्कृत गरेका थिए । दुई दिनसम्म सञ्चालन भएको प्रतियोगितामा उपत्यका भित्रका ३२ टिमको सहभागिता रहेको थियो ।