भजन संग्रह ‘त्रिवेणी’ बजारमा

काठमाडौं । संगीतकार शालिकराम घिमिरेको एकल संगीत एवं गायक शशिविक्रम थापाको एकल आवाजमा रहेका दुई भजन एल्बम बजारमा आएका छन् । वरिष्ठ गीतकार रत्नशम्सेर थापाले उक्त एल्बमको विमोचन गर्दै संगीतले मानिसलाई जोड्दै भातृत्व बढाउने बताए ।

सार्वजनिक एल्वमका गीतलाई साहित्यकार रत्न बेहोसीले समीक्षात्मक टिप्पणी गरेका थिए । कार्यक्रममा गायक एवं संगीतकारले लाइभ प्रस्तुति समेत दिएका थिए । त्रिवेणी नाम दिइएको उक्त भजन संग्रह भाग १ र भाग २ का केही गीतको भिडियो पनि प्रस्तुत गरिएको थियो । लामो समयदेखि शास्त्रीय संगीतमा सक्रिय शालिकराम र गायक एवं संगीतकार शशिविक्रमले सयुक्त रुपमा यी एल्बम ल्याएका हुन् ।

एल्बमका गीतमा जनार्दन न्यौपाने, शिवजीप्रसाद न्यौपाने, मनोहर गौतम, केशव पाठक लगायत संगीतकार घिमिरे र गायक थापाको पनि शब्द रचना रहेको छ ।