जोशीलाई नागरिक अभिनन्दन

भक्तपुर । नेपाली संस्कृति, इतिहास तथा कलाका क्षेत्रमा योगदान दिएको भन्दै वाङ्मय शताब्दीपुरुष सत्यमोहन जोशीलाई भक्तपुरमा नागरिक अभिनन्दन गरिने भएको छ । वाङ्मय शताब्दीपुरुष सत्यमोहन जोशी नागरिक अभिनन्दन समारोह समितिले आगामी असार ६ गते आयोजना गर्ने समारोहमा सो अभिनन्दन गर्न लागेको हो ।

समितिले भक्तपुरमा आयोजना गरेको पत्रकार सम्मेलनमा यसबारे जानकारी दिँदै प्रचारप्रसार संयोजक नवीनप्रकाश श्रेष्ठले नेपालको कला, शिल्प, साहित्य, सम्पदा, संस्कृति र लोक संस्कृतिको संरक्षणमा जोशीले पु¥याएको योगदानको स्मरण गर्दै अभिनन्दन गर्न लागिएको बताए ।

अभिनन्दन समारोह सम्पन्न गर्न नरेन्द्रभक्त हाडाको संयोजकत्वमा दुई सय एक मूल समारोह समिति गठन गरी आवश्यक तयारी पूरा गरिएको उनले जानकारी दिए । असार ६ गते शुक्रबार मध्यपुरथिमिको बाहाखा बजारबाट शंखधर चोकसम्म र भक्तपुरको दत्तात्रयबाट सूर्यविनायकसम्म विशाल शोभा ¥याली गर्दै सूर्यविनायकको अजिमामा आयोजना गरिने समारोहमा अभिनन्दन गरिने भएको हो ।