नाडा अटो सोमा महिन्द्राको प्रिमियम एक्सयुभी–५००

हरेक वर्ष नाडा अटोमोबाइल एसोसिएसन अफ नेपालले अयोजना गर्ने नाडा अटो सो २०१८ यसवर्ष यो वर्ष शुक्रबार २६ गतेबाट सञ्चालित भइराखेको छ । यसबीच १३औँ नाडा अटो सो २०१८ मा महिन्द्रा पेसेन्जर युनिटको नेपालको लागि आधिकारिक वितरक अग्नी इन्कर्पोरेटडले महिन्द्राको बहुचर्चित मोडल ‘महिन्द्रा एक्सयुभी–५००’ ल्याएको छ ।

महिन्द्राको नयाँ भर्सन केही दिन अगाडि नेपाली बजारमा सार्वजनिक भएको थियो । नयाँ एक्सयुभी–५०० नेपाली बजारमा तीन वटा भेरिएन्टमा उपलब्ध रहेको छ । त्यसमा डब्लुभाइभ र डब्लुसेभन फ्रन्ट ह्विल ड्राइभ अफ्सनममा रहेको छ भने, डब्लु इलाभेन अल ह्विल ड्राइभ अप्सनमा रहेको छ ।

जसको मूल्य क्रमशः ६१ लाख ८० हजार, ६७ लाख ७० हजार तथा ८४ लाख ९५ हजार रहेको छ । यसमा पहिलाको एक्सयुभी–५०० भन्दा फरक सिक्स जनरेसन इलेक्ट्रोनिकल्ली कन्ट्रोल भेरायवल टर्वोचार्जड चार सिलिन्डरको एमहक १ सय ५५ डिजल इन्जिनको प्रयोग गरिएको छ ।

यसले १ सउ ५५ बिएचपी पावर ३ सय ६० एनएम टर्क उत्पादन गर्छ जुन पहिलाको भन्दा १५ विएचपी पावर तथा ३० एनएम टर्क बढिरहेको छ । यसमा ६ स्पिडको म्यानुअल तथा अटोमेटिक ट्रासमिसन दिइएको छ ।  यसको एक्टेरियरमा अगाडिको भागमा ठूलो ग्रिल दिइएको छ जसमा वरिपरि तथा बीचका धेरै भागमा क्रोम लगाइएको छ ।

यसको हेडलाइटमा ठूलो प्रोजेक्टर हेडल्याम्प रहेको छ साथै सबैभन्दा माथि एलइडी डेटाइम रनिङ लाइट दिइएको छ । यसको बम्पर पनि सुधारिएको छ । यसको बम्परको बीचमा ठूलो एयरड्याम र क्रोमसहित दुई साइडमा टियर डक सेपको फग लाइट राखिएको छ ।

यसको टप भेरिएन्टमा १८ इन्चको डाइमन्ड कलटाइपको एलोय ह्विल रहेको छ । यसको टेलल्याम्पमा पनि परिवर्तन गरिएको छ । पहिलाको एक्सयुभीमा भर्टिकल टेलल्याम्प रहेको थियो भने यसमा बक्स टाइप टेलल्याम्प दिइएको छ । यसको बम्पर र रुफस्पोइलरमा पनि परिवर्तन गरिएको छ ।

इन्टेरिएर परिमार्जित गरिएको छ भने ड्यासबोर्डमा सफ्टटच मेलिरियलको प्रयोग गरिएको छ जसमा लेदरटाइप फिनिसिङ दिइएको छ । यसको ढोकाको भित्रपट्टि र स्टेरिङ ह्विलमा पनि लेदर प्रयोग गरिएको छ जसले यसको क्याबिनको फिनिसिङ प्रिमियम देखिएको छ ।

कारमा सात इन्चको टच स्क्रिन इन्फोटेन्मेन्ट सिस्टम दिइएको छ जुन जिपिएस, अडियो भिडियो युएसबी र ब्लुटुथ सपोर्ट सहितको छ । यसमा इलेक्ट्रिक सनरुफ तथा रियर पार्किङ क्यामरा पनि रहेको छ । कम्पनीले सोमार्फत निकै आशा लिएको मोडल एक्सयुबी–५०० ले राम्रो बजार लिने कम्पनीको दाबी छ ।

भारतीय अटो निर्माता कम्पनी महिन्द्राले उत्पादन गरेको इलेक्ट्रिक कार ‘ई–भेरिटो’ नाडा अटो सोमा प्रदर्शनी गरिने भएको छ । यसअघि महिन्द्राको इटुब प्लस बिक्री वितरण गर्दै आएको नेपालका लागि आधिकारिक बिक्रेता अग्नी इन कर्पोरेटले नेपाली बजारमा पुनः अर्को इलेक्ट्रिक कार ल्याएको हो ।

सानो स्मार्ट इलेक्ट्रिक कार उत्पादन गर्दै आएको महिन्द्राको ई–भेरिटो सेडान कार हो । यसलाई महिन्द्राले २०१६ मा नै भारतीय बजारमा सार्वजनिक गरेको थियो । कम्पनीले भारतीय बजारमा दिल्लीबाट बिक्री–वितरण सुरु गरेको उक्त कार व्यावसायिक उत्पादन भन्दा पनि सरकारी टेन्डका लागि उत्पादन हुँदै आएको थियो ।

ई–भेरिटोमा ७२ भोल्टको मोटर लगाइएको यस कारले ४० बिएचपी पावरका साथै ९१ एनएम टर्क उत्पादन गर्छ । कारको

टप स्पिड क्षमता ८६ किलोमिटर प्रतिघन्टा रहेको छ । एकपटकको फुल चार्जमा कारलाई १ सय १० किलोमिटरसम्म गुडाउन सकिन्छ ।

महिन्द्राले यस कारमा जडान गरेको री–जेनेटिभ ब्रेकिङ प्रणालीले पावर तथा ब्याट्रीलाई चार्ज गर्ने गर्छ । यसको अलवा महिन्द्राले ई–भेरिटोमा फास्ट चार्जिङ सिस्टम लगाएको छ । यसको सहयोगमार्फत् १ घन्टा ४५ मिनेटमा ८० प्रतिशत चार्ज हुनेछ ।

यसलाई चार्ज गर्न १५ एम्पियरको पावर आवश्यकता पर्छ । कम्पनीले अहिल्यै यसको मूल्य तोकि नसकेको भए पनि करिब २६ लाखदेखि २९ लाख रुपैयाँको भित्रमा मूल्य निर्धारण हुने अनुमान लगाउन सकिन्छ ।

यसैबीच कम्पनीले नाडा अटो सोमा पुुरानो मोडल महिन्द्रा पिक अप ल्याएको छ  । पुरानो मोडललाई निरन्तरता दिने उद्देश्यसहित महिन्द्राले पिक अपलाई निरन्तरता दिएको हो । यो मोडलमा चार सिलिन्डर टर्बाे डिजेल, २ दशमलव २ एल एमहवाक इन्जिनको प्रयोग गरिएको छ ।

इन्जिनले १ सय ४० बिएचपी पावरका साथै ३ सय २० एनएम टर्क उत्पादन गर्छ । यसको इन्जिनमा ६ स्पिडको म्यानुअल तथा अटोमेटिक ट्रान्समिसन दिइएको छ ।  महिन्द्रा पिकअपको ग्रान्उड क्यिरेन्स २ सय १० मिलिमिटर रहेको छ भने, कुल ओजन ३ हजार १ सय ५० किलोग्राम रहेको  छ ।

सुरक्षालाई मध्यनजर गर्दै पिकअपमा एन्टी लक बे्रकिङ सिस्टम (एबिएस), डबल फ्रन्ट एयर ब्याग, सेन्ट्रल लकिङ सिस्टम लगायतका विशेषता दिइएको छ । नेपाली बजारमा यसको मूल्य ४० लाखदेखि ४४ लाख बीचमा रहेको छ । एक्सेटेरियर तथा इन्टिरियरमा विभिन्न विशेषता समेटिएको यो मोडलप्रति कम्पनीले निकै अपेक्षा राखेको छ ।

अग्नी इन्कर्पोरेटडले नाडा अटो सोमा टियुभी–३०० राखेको छ । तीन भेरियन्टमा उपलब्ध महिन्द्रा टियुभी–३०० पुरानो टियुभीको तुलनामा आकर्षक तथा परिमार्जित इन्जिनसहित शोमा राखिएको यो मोडल महिन्द्राको अर्काे आकर्षणको पक्ष हो ।

महिन्द्राको टियुभी–३०० टी–४ प्लसको मूल्य ३६ लाख ९५ हजार रहेको छ भने, टियुभी–३०० टी–६ प्लसको ३६ लाख ९५ हजार र टी–८ को मूल्य ४५ लाख ९५ हजार रुपैयाँ रहेको छ । यसमा एमहवाक डिजेल इन्जिनका साथै दुई स्टेज टर्बाेचार्जरको प्रयोग गरिएको छ ।

१ हजार ४ सय ९३ सिसी क्षमताको सो इन्जिनले सय बिएचपी पावरका साथै १ हजार ५ सय देखि २ हजार २ सय ५० आरपिएम बीचमा २ सय ३० एनएम टर्क उत्पादन गर्छ । इन्जिनमा पाँच स्पिड म्यानुअल गियर बक्सका साथै पाँच स्पिड अटोमेटिक ट्रान्समिसन उपलब्ध छ ।

टियुभी–३०० को अगाडि भागमा फ्रन्ट डिस्क ब्रेक दिइएको छ भने पछाडी भागमा रियर ड्रम ब्रेक लगाइएको छ । फ्युल ट्यांकीमा ६० लिटरसम्म इन्धन अटाउन सक्छ । सुरक्षालाई मध्यनजर गर्दै यसमा फ्रन्टल क्यास सेन्सर, अटोमेटिक डोर लकिङ सिस्टम, तेस्रो जेनेरेसनमा आधारित च्यासिस, डबल एयर ब्याग राखिएको छ ।

स्पोर्टी, स्टाइलिस तथा अग्रेसिप लुक्समा निर्माण गरिएको यो मोडल नेपाली बजारमा निक्कै चर्चित रहेको छ ।