लन्डन, ५ चैत । लिभरपुल युरोपा लिग फुटबल प्रतियोगिताको क्वाटरफाइनलमा प्रवेश गरेको छ । म्यानचेस्टर युनाइटेडसँग दोस्रो लेगको खेलमा बराबरी गर्दै लिभरपुल क्वाटरफाइनलमा प्रवेश ग¥यो । प्री–क्वाटरफाइनलअन्तर्गत बिहीबार राती भएको दोस्रो लेगको खेलमा लिभरपुलले युनाइटेडलाई १–१ गोलको बराबरी रोकेको थियो । बराबरीपछि लिभरपुलले समग्रमा म्यानचेस्टर युनाइटेडलाई ३–१ ले हरायो । यसअघि पहिलो लेगको खेलमा लिभरपुल २–० ले विजयी
भएको थियो ।
यसअघि दोस्रो लेगको खेलमा म्यानचेस्टरले पहिलो हाफ नै गोल गर्दै खेल आफ्नो पक्षमा पार्ने तालमाल देखाएको थियो । वल्र्ड ट्राफोर्डमा भएको पहिलो हाफको ३२औँ मिनेटमा युनाइटेडले खेलमा अग्रता लियो । उसका लागि मार्टिनको पेनाल्टीमार्फत गोलगर्दै अग्रता दिलाएका थिए । उनको गोलले युनाइटेडको आश पलाएको थियो । घरेलु टोलीका लागि जसे लिनगार्ड र माटाले गोल गर्ने अवसर गुमाए । युनाइटेडका गोलकिपर डेभिड डी जियाले काउटिन्हाको प्रहार रोकेका थिए । ड्यानिअल स्टर्डिजको फ्रि–किक बारमा लाग्दा हेन्डरसनले गोल गर्ने राम्रो मौका खेर फालेका थिए । तर, पहिलो हाफको अन्तिममा लिभरपुलले युनाइटेडलाई निराश पार्दै गोल ग¥यो । उसका लागि काउटिन्होले उत्कृष्ट गोल गरे । दोस्रो हाफमा घरेलु टोलीले खासै खेल्न सकेन । थप गोल नभएपछि दोस्रो लेगको खेल १–१ को बराबरीमा सकिएको हो ।
तर, आर्सनल र युनाइटेडको खेलका कारण मैदान बाहिर तनावको स्थिति सिर्जना भयो । खेलका क्रममा समर्थकहरूले फ्लेयर्स जलाउनका साथै झगडा गरे । युनाइटेड र लिभरपुलका समर्थकले मुक्का हानाहानसमेत गरेका थिए । समर्थकहरूको अराजक गतिविधिका कारण युनाइटेड र लिभरपुललाई युइएफले कारबाही गर्ने सम्भावना देखिएको छ । ती समर्थकलाई प्रहरीले नै छुट्याउनु परेको थियो । सुरक्षाकर्मीले झगडा गर्ने ३ फुटबल समर्थकलाई पक्राउ गरिएको जनाएको छ ।
अर्को इंग्लिस क्लब टोटनह्याम हट्सपर भने जर्मनीको बोरुसिया डर्टमन्डसँग पराजित भएको छ । पहिलो लेगको खेल ३–० ले हारेको टोटनह्यामले गएराती भएको दोस्रो लेगको खेल २–१ ले गुमाएपछि प्रतियोगिताबाट बाहिरिएको हो ।
प्रतिक्रिया