दश किलो चरेससहित पक्राउ

बर्दिया, २५ कात्तिक । बर्दिया जिल्लामा सशस्त्र प्रहरीले दाङका तीन महिलालाई चरेससहित पक्राउ गरेको छ ।
वुटवलबाट बर्दियाको जमुनी नाका हुँदै भारततर्फ लैजान लागेको १० किलो ८ सय ग्राम चरेस सहित तीन जना महिलालाई पचासा गाउँबाट पक्राउ गरेको प्रहरीले जनाएको छ ।
घोराही नगरपालिकाकी ४० वर्षीया कमला घर्तीसँग ३ किलो ३ सय ग्राम, गेमा पुनबाट ४ किलो २ सय ग्राम र मायाँ घर्तीसँग रहेको ३ किलो ३ सय ग्राम चरेससहित उनीहरु पक्राउ परेका हुन् । (तस्विर गुगल)