घर जल्दा ६ लाख नोक्सान

धनकुटा, २२ कात्तिक । धनकुटा जिल्लाको वुढिमोरङ्ग–८, पेम्वाङस्थित एक घरमा आगलागी हुदाँ करिब ६ लाख रुपियाँ बराबरको नोक्सान भएको छ ।
आगलागीका कारण डम्वरवहादुर लिम्वुको घर पूर्ण रुपमा जलेको छ । घरमा रहेका सम्पूर्ण सामग्री, लत्ता कपडा, खाद्यन्नलगायत जलेर नष्ट भएको दलवहादुर ईङ्गनामले वताए । आगलागी विद्यत् सर्ट भएर लागेको उनको भनाई छ ।
यसैबीच, आगलागी पीडित परिवारलाई नेपाल रेडक्रस सोसाईटी उपशाखा वुढिमोरङ्गले बुधवार विहान राहत वितरण गरेको छ ।
आगलागी पीडित परिवारलाई लत्ता कपडा, भाडावर्तन, खाद्यन्नलगायतका सामग्री प्रदान गरिएको उपशाखा वुढिमोरङ्गले जनाएको छ । (सौस)