खोजखबर

हतकडी देखाएर ठगी धन्दामा विद्यार्थी

सौर्य अनलाइन २०६९ असोज ४ गते २:४० मा प्रकाशित

काठमाडौं , ३ असो ज । राजधानीको एक कलेजमा अध्ययनरत विद्यार्थीसँग किताब–कापी मात्र होइन, हतकडी पनि भेटिएको छ । ती विद्यार्थीले हतकडी देखाएर ठगी गर्दै आएको रहस्य खुलेको छ ।

प्रहरीले मकवानपुरको हेटांैडा–४ का २२ वर्षीय सुरजकुमार सिंहलाई बुधबार ठमेलबाट हतकडीसहित पक्राउ गरेको छ । महानगरीय प्रहरी परिसर काठमाडौंले एक महिनादे खि थालेको सिल एन्ड सर्च अपरेसनअन्तर्गत महानगरीय प्रहरी प्रभाग सोह्रखुट्टेले जाँचका क्रममा सिंहलाई पक्राउ गरेको हो । सिंहले बा.४९प ६२७७ नम्बरको स्कुटरको डिकीमुनि लुकाइराखेको अवस्थामा हतकडी फेला परेको थियो ।
काठमाडौं–७ मा डेरामा बस्दै आएका सिंह बानेश्वरस्थित हिमालयन कलेजको बिबिएस दोस्रो वर्ष का विद्यार्थी हुन् । बुधबार दिउँसो सिंह बानेश्वरबाट स्कुटर चढेर स्वयम्भूतर्फ जाँदै थिए । प्रहरीका अनुसार सिंहले आफू प्रहरी हँ भनी हतकडी देखाए सर्वसाधारणबाट रकम असुल गर्दै आएका थिए । सिंहले सातजनाको लुटेरा समूह नै बनाएको प्रहरीको प्रारम्भिक अनुसन्धानले देखाएको छ । प्रहरी परिसर काठमाडौंका डिएसपी धीरजप्रताप सिंहले उनीहरूले अवैध काममा संलग्न हुनेको पहिचान गर्ने अनि प्रहरी भनी हतकडी देखाउँदै ठगी गरेको खुलेको बताए ।
‘विशेष गरी जुवातास खेलिरहेको अड्डामा जाने, हतकडी देखाउँदै धम्क्याउने र रकम असुल्ने गरेको प्रारम्भिक अनुसन्धानबाट खुल्यो,’ डिएसपी सिंहले भने । सिंहका अनुसार उनीहरूले व्यापारीलाई समेत धम्क्याउँदै रकम असुल्ने गरेका थिए । प्रहरीका अनुसार सिंहको समूह केही महिनादेखि ठगीमा
संलग्न थियो । प्र हरी प्रभाग सोह्रखुट्टेका प्रहरी निरीक्षक प्रकाश शर्माले सिंहको समूह व्यावसायिक र खतरनाक रहेको बताए ।
उनले भने, ‘उनीहरूको यसअघि कुन–कुन स्थानबाट ठगी गरेको खुलिसकेको छैन, ती सबै अनुसन्धानपछि खुल्ला । तर, यो समूह निकै खुंखार सूमह हो ।’ डिएसपी सिंहले अनुसन्धान जारी रहेकाले उनीहरूले हतकडी कहाँबाट ल्याए भन्नेबारे खुलिनसकेको बताए ।

अपराधमा कलेजका विद्यार्थी

अभिभावकहरू छोराछोरीको सुन्दर भविष्यको कल्पना गर्दै उच्च शिक्षाका कलेज पठाउँछन् । छोराछोरी भने बाबुआमाको सपनालाई लत्याउँदै अपराधको बाटो रोज्न पुग्छन् । राजधानीमा चार महिनादेखि अपराधमा संलग्न विद्यार्थी भटाभट पक्राउ पर्नुले यसको पुष्टि गर्छ ।
गत १६ भदौमा बागबजारस्थित श्रेष्ठ टेलरिङनजिकै १९ वर्षीय चिरञ्जीवी रेग्मीको चक्कु प्रहार गरी हत्या भयो । रेग्मीलाई चक्कु प्रहार गर्ने सरोज बस्नेत, निशुभ तण्डुकार, रविन शाह र आकाश श्रेष्ठ चारजना विद्यार्थी हुन् ।
बुद्धनगरस्थित ग्लोबल ब्वाइज होस्टेलबाट नेपालगन्जका २० वर्षीय रोहित पुन र मध्यबानेश्वरको नवजीवन ब्वाइज होस्टलमा बस्ने जुम्लाका २१ वर्षीय भीम एडी लागुऔषधसहित पक्राउ परे । प्रहरीले होस्टेलको कोठाबाट उनीहरूलाई १४ ग्राम खैरो हेरोइनसहित पक्राउ गरेको थियो । प्रहरीका अनुसार उनीहरूले कोठाबाटै लागुऔषध कारोबार गर्दै आएका थिए ।
८ भदौमा बानेश्वरस्थित कोलम्बस एकेडेमीका विद्यार्थी रोशन थापाले मोटरसाइकलले ठक्कर दिँदा उनीसहित ट्राफिक प्रहरी जवान प्रदीप राईको मृत्यु भयो । त्यस्तै, गत २६ जेठमा नयाँबजारमा वसन्त शाहीमाथि गोली प्रहार भयो । पेस्तोलबाट गोली चलाउने रिहर्सल गर्ने क्रममा शाहीलाई गोली लागेको थियो । घटनामा संलग्न भएको भन्दै प्रहरीले अमृत साइन्स क्याम्पसका स्ववियु सभापति २९ वर्षीय वीरबहादुर राउत र २४ वर्षीय मुकेश नेपालीलाई पक्राउ गर्‍यो ।
चार महिनायता भएका यी घटनामा आठ विद्यार्थी पक्राउ परिसकेका छन् । प्रहरी परिसर काठमाडौंका प्रमुख एसएसपी जयबहादुर चन्दका अनुसार विद्यार्थीहरू अपराधमा संलग्न हुनुमा ‘उमेरगत मनोविज्ञान’ महत्त्वपूर्ण कारण हो । उनले भने, ‘कलेज पढ्ने उमेरका विद्यार्थी भनेका सबै २५ वर्षमुनिका हुन्छन्, यस उमेरमा होस भन्दा पनि जोश धेरै हुन्छ, यही कारण पनि उनीहरू अपराधमा संलग्न हुन्छन् ।’

प्रतिक्रिया

पछिल्ला अपडेट्स

लोकप्रिय